杦 (已結業)

今日平日下晝兩個人去食晏，唔駛等即刻有位。好快就揀咗刺身同埋Deluxe壽司定食。環境就一般，冇乜特別，但係都算歡堂舒適，服務都幾好，侍應都幾attentive，問佢橙汁係咪鮮榨，佢都老實話唔係，豉油倒咗出嚟見到有一粒黑色野，以為係黑芝麻，再睇清楚啲係有腳，同侍應反映，佢都即刻換過隻豉油碟同埋成壺豉油，等咗一陣，有個侍應攞左碟刺身準備放上枱之際，就返咗轉頭，不過都啱嘅，前菜都未到，之後等咗一陣，先來沙律和蒸蛋碗，兩個都合格，蒸蛋碗就好滑，除咗熱茶，仲送咗杯幾香濃嘅凍烏龍茶，橙汁就唔講啦，之後就上主菜，刺身同壽司都一齊嚟，賣相唔錯，份量同價錢都成正比，侍應亦都好有心機介紹唔同嘅款式，食嘅先後次序，壽司飯嘅比例適中，刺身嘅質素好高，好鮮味，刀法都幾好，壽司定食跟烏冬，都幾足料大碗，刺身定食跟碗飯麵豉湯，雖然簡單，都覺得有咁上下質素，整體來講質素有驚喜，有機會夜晚嚟食Omakase先！