UCC Coffee Shop (已結業)

晚上7點前到達UCC，仲有好多位。我們被安排坐進餐廳較入的位置，感覺又幾舒服!但同隔離位的距離太近，傾計唔可以太大聲!我們叫了意式海鮮燴飯、炸雞白汁蛋包飯、再加一個沙律SET。我朋友"畢"左呑拿魚、栗米、蕃茄仔、菠蘿、生菜、薯蓉，不算太高。但已經足夠兩個人食。仲分開D沙律醬，大家可以吃自己喜歡的味。的食的沙律醬是酸酸地，幾開胃，O岩晒夏天食!好在我地講左D主菜遲D先上，否則攬到張枱唔夠位放。(隔離枱就係咁!HAHA...)意式海鮮燴飯-味道唔錯，汁夠茄汁味，有蝦、蜆、帶子等海鮮，算唔錯。炸雞白汁蛋包飯炸雞好食，夠脆!!但D蛋皮就太厚，薄番D會更好!!仲有個栗米湯，平日少飲湯的我，都覺得唔錯!!最重要是我們好快食完坐係度傾計，都無比人趕!!8點幾走時，見到仲有好多人等位。