大中華素食

營業中

休息中

新曆新年食晚飯，當係新曆嘅開年飯啦，不過今次因為好多人一齊都想食齋，所以結果都係去咗食素。地區方面因為響佐敦，完全靠朋友帶路先至去邊度食，行咗一陣去咗呢間大中華素食，係朋友誠意推介，我裏面好多嘅餸都幾好味，所以就跟咗大家一齊去。地點方面離開地鐵站都唔算太遠嘅，行過去大概10分鐘左右，其實都算方便。晚飯時間去到都要等位，好彩唔算等咗好耐。食物方面因為食得太開心真係唔記得啲名係乜嘢，淨係記得個羹好好味，個牛蒡都好好味，個素鮑魚都正，仲有個飯卷亦都唔錯，仲有一個焗嘅麵包個醬亦都非常之好味，叉燒夾包嗰個叉燒食落佢嘅感覺真係好似真嘅一樣，個咕嚕肉都呃到人食得好開胃，整體嚟講水準都好好，好有驚喜。