孔夫子 (Club East洞天) (已結業)

今日LUNCH就同一班同事黎孔夫子試一試，一入到去環境唔錯感覺幾高級，好適合商務午餐。我地點左一個醋汁水晶肴肉作為前菜，仲有黑蒜蒸燒賣、黑毛豬叉燒包、松茸蘑菇包、孔府招牌腸粉等等。水晶肴肉賣相好精緻，肴肉唔肥又有彈性連埋醋整成既啫哩，食落開胃又好味，推介！燒賣比較一般，同外面酒樓分別不大。黑毛豬叉燒包，豬肉味較濃，蜜汁可再加多少少。蘑菇包賣相可愛，食落其實同一般素菜包既味道同餡料差不多。招牌腸粉皮簿，包住類似春卷，裏面炸到脆卜卜幾香口，惹味非常。坐得幾舒服，整體食物質素都唔錯，價錢屬中上。