你我濃湯米線 (已結業)

一直都知呢到有素食，終於可以黎到呢到試下~男朋友叫左個雲耳蒸雞飯，成個飯都好香，比出面茶餐廳無咁油膩，而且雞肉都唔太多肥，而D蒸雞既味道比珍珠米吸收晒，如果食開濃味既可能唔太鐘意，但係淡開既會覺得幾好食。而我就叫左個健康菠菜麵配素湯底，素湯底好清，無味精，好飲到飲晒個湯底都唔口渴，不過個菠菜麵就無咩味，吸收唔到個湯既味道，而配料都比較少，只有金菇、冬菇、木耳絲、腐皮同白蘿蔔木耳絲都幾爽口，如果個麵底可以有返D味就更好啦~另外仲有竹蔗水同薑茶都好夠味，不過落左單之後無黎到，要再叫多次先黎，整體黎講環境都幾光猛又坐得幾舒服，不過野食就可以再改善下~~