黃金冰室 (成業街)

營業中

休息中

今日太趕時間食飯, 所以近近地搵嘢食, 見到最近新開嘅茶餐廳, 就入去睇吓, 喺外面望又唔覺得裡面原來咁大咁多位, 雖然坐滿人, 不過都好快有位喇。茶餐廳由2:30 開始就有下午茶餐, 選擇種類都算多, 而我就揀咗XO 醬豬扒炒即食麵。大概等咗5-8分鐘, 嘢食就上枱喇。🥢XO 醬豬扒炒即食麵賣相幾好, 配菜有蛋絲, 洋蔥, 椰菜, 韭黃同紅椒。XO 醬味道比想像中淡, 雖然有見到XO 醬粒, 不過無乜味。豬扒醃得好入味, 肉質亦軟腍。可能因為下午茶關係, 公仔麵份量偏少。🥢凍檸茶 (走甜)大大杯, 唔會太多冰, 而茶底亦都夠濃。