影片
更多
2024-01-11
475 瀏覽
叫咗一碗雞湯米線同一碗麻酸辣米線，難食到形容唔到😐😐麻酸辣米線個湯底完全唔係平時食開嗰種酸辣味，淨係得個酸味，仲要係有少少似餿咗嘅酸味，完全聞到都唔開胃，淨係夾硬食咗少少米線，之後就成兜嘢放咗喺度食唔落。本身個米線叫咗椰菜餃子同墨魚丸兩隻餸，個椰菜餃子一咬入口以為係壞嘅，個皮勁厚，然後又係有少少餿味，跟住個姐姐偷聽到我話唔知個餃子係咪壞咗，佢就搭嘴話佢係即日包唔會壞，咁即係用料完全唔新鮮啦！另外個雞湯米線叫咗豬腩片，又係勁唔新鮮嘅豬肉，食兩啖就唔想再食，個雞湯仲稀過雞精開嘅水，佢仲好意思話自己係新鮮熬嘅雞湯。總括嚟講就係一間食一次永遠都唔會再幫襯嘅米線，希望大家唔好中伏
麻酸辣米線個湯底完全唔係平時食開嗰種酸辣味，淨係得個酸味，仲要係有少少似餿咗嘅酸味，完全聞到都唔開胃，淨係夾硬食咗少少米線，之後就成兜嘢放咗喺度食唔落。
本身個米線叫咗椰菜餃子同墨魚丸兩隻餸，個椰菜餃子一咬入口以為係壞嘅，個皮勁厚，然後又係有少少餿味，跟住個姐姐偷聽到我話唔知個餃子係咪壞咗，佢就搭嘴話佢係即日包唔會壞，咁即係用料完全唔新鮮啦！
另外個雞湯米線叫咗豬腩片，又係勁唔新鮮嘅豬肉，食兩啖就唔想再食，個雞湯仲稀過雞精開嘅水，佢仲好意思話自己係新鮮熬嘅雞湯。
總括嚟講就係一間食一次永遠都唔會再幫襯嘅米線，希望大家唔好中伏
張貼