影片
更多
2014-10-25
6094 瀏覽
暑假將近，數字auntie一家冇平時咁忙碌，故特意抽空相約好友聚一聚，地點為一家佢地最近經常幫襯o既「李公館」。「李公館」位於灣仔集成中心對面，搭電車最為方便，因叮叮停正喺門口；坐地鐡如果出灣仔站就要行十分鐘左右；雖然巴士、小巴、的士都到，不過因該區長期塞滿旅遊巴，交通比較擠迫，好難掌握時間。聽落「李公館」依個名感覺好古代，正門掛有簡單而帶有傳統中國味道o既書法，點知入到大堂，見到天花及廂房門外翠綠色o既弧形燈圈 ，頓時就覺得格格不入囉。餐館喺二樓，樓面唔算高，大堂坐滿客人時聲浪都頗大，不過當晚數字auntie請客，一早安排咗間十二人廂房，與外面隔絕，夠哂私人空間，房內椅櫈全為膠皮櫈，舒適衛生。雖然主人家係熟客，但未有姐姐仔長期留守於房間，除咗有人不時入黎傳遞餸菜之外，斟酒全部要自己黎，加茶、換碟等當然唔係自動波啦，叫完都仲要等多陣，招呼一啲都唔周到 ！長輩們宴客都會悉心安排菜單，年紀最輕o既數字auntie亦不例外，當晚特別揀選咗多款餐廳獨有o既新穎菜式同好友們分享 。 四小碟之芥香木耳伴海蜇：木耳同海蜇勻屬爽脆，芥辣味唔算濃，不過小肥就嫌味道酸多於辣。 四小碟之厚切茄子：
「李公館」位於灣仔集成中心對面，搭電車最為方便，因叮叮停正喺門口；坐地鐡如果出灣仔站就要行十分鐘左右；雖然巴士、小巴、的士都到，不過因該區長期塞滿旅遊巴，交通比較擠迫，好難掌握時間。
聽落「李公館」依個名感覺好古代，正門掛有簡單而帶有傳統中國味道o既書法，點知入到大堂，見到天花及廂房門外翠綠色o既弧形燈圈 ，頓時就覺得格格不入囉。餐館喺二樓，樓面唔算高，大堂坐滿客人時聲浪都頗大，不過當晚數字auntie請客，一早安排咗間十二人廂房，與外面隔絕，夠哂私人空間，房內椅櫈全為膠皮櫈，舒適衛生。雖然主人家係熟客，但未有姐姐仔長期留守於房間，除咗有人不時入黎傳遞餸菜之外，斟酒全部要自己黎，加茶、換碟等當然唔係自動波啦，叫完都仲要等多陣，招呼一啲都唔周到 ！
長輩們宴客都會悉心安排菜單，年紀最輕o既數字auntie亦不例外，當晚特別揀選咗多款餐廳獨有o既新穎菜式同好友們分享 。
四小碟之芥香木耳伴海蜇：木耳同海蜇勻屬爽脆，芥辣味唔算濃，不過小肥就嫌味道酸多於辣。
四小碟之厚切茄子：貌似天婦羅o既茄子咬落都好軟嫩，不過就油咗少少，同埋碟上o既調味汁唔多夠味。
四小碟之蒜片牛柳粒展：牛柳粒賣相一般，味道偏咸，外層亦較硬同韌，不吃也吧。
四小碟之豉油王鴨舌：鴨舌香甜軟滑，係四小碟中最美味o既一道。
菜膽杏汁燉豬肺湯：豬肺湯雞味香濃，落咗杏汁又唔會好粉，豬肺洗得都好乾淨，唯一係湯面勁多油 ，應該係湯料中o既雞腳所分解出黎，廚房應先隔出油層才上枱。
冰鎮咕嚕肉（限量版）：外表鮮艷o既冰鎮咕嚕肉必先預訂，底層為咕嚕肉，被中層o既冰塊冰封，面層則舖上酸味o既生果。涷食咕嚕肉都係第一次，雖然外層仍能保持脆皮，但就冇熱食咁香口野味，同時又特顯其刺牙o既酸味，又涷又酸，絕對唔啱牙齒敏感o既小肥。另外一個問題就係冰塊好快就會溶解，如果唔快速食哂碟上o既食物，碟底就會積聚水份 ，咕嚕肉同生果都會被浸腍而變得唔好味。
疊疊煎藕餅：條形o既蓮藕餅喺碟上好似積木咁層層疊，幾得意，咬落香脆野味，且唔油膩，送酒佳品也。
咖哩脆皮牛腩：第一次食炸牛腩，可能注意力集中哂喺層薄薄o既炸皮度，牛腩質感冇平時一絲絲咁嚡咁乾，食客自行點上適量o既咖哩汁作調味，整體更覺香脆，味道濃得唔過火，效果意外地好好 ！
翠塘海明珠：以菜湯浸住啲帶子而唔係以青菜炒拌，菜味輕輕滲漏入軟嫩o既帶子入面，食客飲用菜湯時又可帶出帶子o既鮮甜味，師傅真係幾有諗頭！
蟹子伊麵：底層o既伊麵好夠腍，芡汁淋上面，麵條冇變到一pat pat，只係差咗一樣野，就係味道欠奉。
杞子濃湯浸蕃薯苗：蕃薯苗煮得太耐，所以腍哂 ，就連人稱「菜后」o既姨媽食咗一次都冇再加添，好唔好食大家心照啦！
脆皮茶香燻雞：茶香雞燻味濃烈，雞皮雖然香脆，但係雞胸肉偏嚡同乾 ，不甚美味。
清蒸老虎斑：老虎斑有過熟之嫌，肉質及皮層同樣帶韌，估計蒸魚應並非師傅之強項。
雪梨糖水：糖水甜到溜，小肥只係飲咗兩口已覺封喉，無法繼續飲完 。
芝麻卷：芝麻糕食唔少，不過細佬都係第一次見芝麻糕呈卷物狀態，聽啲長輩講此乃傳統造法，而家好少酒樓有得賣。芝麻卷貌似黑色o既腸粉，但前者較厚、較煙韌，質感唔算好滑，但芝麻味香濃，又唔會話好甜，古法得幾有特色 。
芒果布丁：布丁內藏粒粒芒果肉，不過大肥略嫌味帶酸，唔多啱食。
Auntie請客，抵食與否，不得而知，但單看格局，服務生偏低之水平，除非食貴價海鮮，「李公館」收費不應太高，否則唔會有咁多客人坐滿大廳。
張貼
