奧壽司

營業中

休息中

見呢間餐廳晚市時間坐無虛席，就黎試下係咪咁好食先。蟹籽沙律$48勁多沙律醬，加埋青瓜絲，青瓜無出水嘅情況，好creamy好正！冷豆腐$48擺位好典雅，個汁甜甜地係我喜歡嘅味，豆腐幼滑，連埋蕃茄仔同青瓜木魚絲一齊食，好清新。牛油金菇$38打開好香牛油味！立魚湯蜆鍋$88每個蜆殼入面都有肥美蜆肉，唔係得們殼，好鮮甜，而魚湯都係必試，清淡得黎好香魚味，但唔腥，飲完好舒服。冬菇串$16燒得夠乾身，帶少少鹽香。牛油粟米$18原隻粟米，搽上牛油更滋味。免治雞串$22入面有脆脆地嘅粒粒，好爽口彈牙，點埋生雞蛋醬一齊食好特別。餃子雞翼$18牛脷串$28燒得好香！煙肉車厘茄$22燒茄子$38已經去左皮，全部都係茄子肉，鹽燒嘅感覺好清新，唔會太濃味。立魚湯稻庭烏冬$118最喜歡魚湯同烏冬嘅配搭，健康之選。蟹糕炒飯$118舊蟹糕超級惹味，加入飯更顯鮮味，而飯粒都炒得唔錯。最後有各自最愛嘅芝麻同綠茶雪糕作結。