影片
更多
2020-03-28
133 瀏覽
係數碼港做左幾年野，大部分同事都係帶飯就算，無他嘅，咪就係因為呢度根本無野食，一係貴，一係唔好食，更多嘅係又貴又唔好食。與其餐餐pepper lunch同原味家作，不如都係帶飯算。咁橋又見到呢間新開嘅便當店，見幾得意又入去睇下，包裝賣相唔錯喎，仲要係自動售賣機，夠曬得意，50蚊連野飲，數碼港平均價，最重要都係味道，結果真係驚喜，係幾好食喎我就食左omipork麻婆豆腐，夠穩陣，結果居然好有驚喜喎，個麻婆豆腐係日本定食屋口味，十分溫和。話晒係日式便當無理由係四川口味，呢個麻婆豆腐溫和好多，再加埋全素嘅omipork，基本上都係有心機諗過味道嘅作品。最驚喜就當然係個白飯，實在係煮得十分之好，係一百分咁好。粒粒分明又有日本米嘅粘糯，仲要夠熱喎，配菜嘅玉子又唔係行貨，真係有日式高湯嘅香味，真心仲掂過商場果間日本野。同事就食柚子西京燒雞扒，都係好食嘅，用西京漬令雞扒無左多餘嘅水份，入口夠柚子香，又有白味噌輕微嘅甜味，雞肉又夠嫩，又係日本定食屋嘅口味。配菜嘅金平牛蒡又係十分出色，我自己就係日本愛上左呢道前菜嘅，基本上去連鎖飯團店都係必買。呢度嘅都十分似樣喎，值得一試。之後無帶飯應該會黎呢度食，推薦
咁橋又見到呢間新開嘅便當店，見幾得意又入去睇下，包裝賣相唔錯喎，仲要係自動售賣機，夠曬得意，50蚊連野飲，數碼港平均價，最重要都係味道，結果真係驚喜，係幾好食喎
我就食左omipork麻婆豆腐，夠穩陣，結果居然好有驚喜喎，個麻婆豆腐係日本定食屋口味，十分溫和。話晒係日式便當無理由係四川口味，呢個麻婆豆腐溫和好多，再加埋全素嘅omipork，基本上都係有心機諗過味道嘅作品。
最驚喜就當然係個白飯，實在係煮得十分之好，係一百分咁好。粒粒分明又有日本米嘅粘糯，仲要夠熱喎，配菜嘅玉子又唔係行貨，真係有日式高湯嘅香味，真心仲掂過商場果間日本野。
同事就食柚子西京燒雞扒，都係好食嘅，用西京漬令雞扒無左多餘嘅水份，入口夠柚子香，又有白味噌輕微嘅甜味，雞肉又夠嫩，又係日本定食屋嘅口味。配菜嘅金平牛蒡又係十分出色，我自己就係日本愛上左呢道前菜嘅，基本上去連鎖飯團店都係必買。呢度嘅都十分似樣喎，值得一試。
之後無帶飯應該會黎呢度食，推薦俾數碼港嘅上班族們。
張貼
