影片
更多
2018-01-21
107 瀏覽
當我來到呢一間店嘅時候，令我想起幾年前朋友係呢一個位開咗一間寵物店。幾年後嘅今日變成一間早上係咖啡室夜晚可以飲酒消遣嘅餐廳。早上11點鐘就會開門買嘅係一份藝術，潮流，型格，温柔共治一爐的感覺。從擺設以及設計中睇得出店主擁有帶張力的思維。每件物品，都帶着獨特色彩，我欣賞佢用生啤桶做椅子，入型入格。印象中記得朋友呢一間舖位有一個角落以前呢就係放着一隻俾人遺棄嘅狗，佢哋照顧得佢好好而且俾佢喺呢度安享生活。嫌疑一個角落到到今日演變成一個超級靚嘅小花園。呢一套嘅枱凳凸顯左文青藝術感。我刻意要喺室內嘅玻璃窗位置影過嚟，呢種蒙蒙朧朧嘅感覺更加美麗。常常呢一個位置望住天空藍藍的飲住美味嘅咖啡絕對係一個賞心樂事。今日我嚟到早上食咗一個早餐配合一杯咖啡，咖啡大杯價錢10分優惠，用上知名品牌的咖啡機咖啡豆。我特別喜歡呢個牌子，Lavazza 唔知點解覺得好好飲。我比較少飲cappuccino ，呢一度嘅呢杯咖啡香濃美味，為我今日超級繁忙嘅工作打開序幕。選了佢哋嘅招牌早餐好好味嘅crepe ~ 裏面包左芝士同火腿，想像唔到夾得咁好。炒蛋香滑即叫即做，配上香草如果可以多少少鹽一定會更好，茄汁焗豆用可愛嘅杯仔載着
早上11點鐘就會開門買嘅係一份藝術，潮流，型格，温柔共治一爐的感覺。從擺設以及設計中睇得出店主擁有帶張力的思維。
每件物品，都帶着獨特色彩，我欣賞佢用生啤桶做椅子，入型入格。
印象中記得朋友呢一間舖位有一個角落以前呢就係放着一隻俾人遺棄嘅狗，佢哋照顧得佢好好而且俾佢喺呢度安享生活。嫌疑一個角落到到今日演變成一個超級靚嘅小花園。呢一套嘅枱凳凸顯左文青藝術感。
我刻意要喺室內嘅玻璃窗位置影過嚟，呢種蒙蒙朧朧嘅感覺更加美麗。常常呢一個位置望住天空藍藍的飲住美味嘅咖啡絕對係一個賞心樂事。
今日我嚟到早上食咗一個早餐配合一杯咖啡，咖啡大杯價錢10分優惠，用上知名品牌的咖啡機咖啡豆。我特別喜歡呢個牌子，Lavazza 唔知點解覺得好好飲。
我比較少飲cappuccino ，呢一度嘅呢杯咖啡香濃美味，為我今日超級繁忙嘅工作打開序幕。
選了佢哋嘅招牌早餐好好味嘅crepe ~ 裏面包左芝士同火腿，想像唔到夾得咁好。炒蛋香滑即叫即做，配上香草如果可以多少少鹽一定會更好，茄汁焗豆用可愛嘅杯仔載着，最驚喜嘅就係同我個杯咖啡係用埋同一隻色，豬肉腸呢比起平時食嘅德國香草腸美味，值得大家一試呢個實惠驚喜嘅特色早餐。呢個配搭我第一次食，同時愛上。
我相信會有好多朋友會因為呢一個咁靚嘅天窗角落而造訪呢一間餐廳，呢個天窗如果我有機會真係好想花三個鐘頭好好享受一下。喜歡文青感覺嘅你哋相信對上環至西營盤附近嘅特色咖啡廳唔會陌生，各位不妨下次你呢一度應該能夠影你數十張相。
相信五點過後又會有另外一番景象，下次等我晚上過泥睇下。可能又有驚喜。
張貼
