影片
更多
2010-08-22
71 瀏覽
今日同老公睇完INCEPTION，正在惆悵食乜好，因為唔係咁想食貴野，老公提議去蘭香。估唔到一黎到要等位，等左三四個字，終於有得入去，格局同家樂差不多，都係長長的餐室，也比家樂乾淨。店子以卡位為主，也有一兩張六人檯。點解我會叫佢「文化茶餐廳」呢？因為佢既牆上有幾張字畫囉，其中一張，留心ｄ睇仲係少林人士提添，雖然我唔知真定假，但其中一張「天下有二難」我地都覺得好有意思，當真係有文化啊～先叫左一個咖哩牛腩飯，因為見到其他人果份好似幾靚，果然無揀錯，咖哩汁不杰，很有以前細個茶餐廳咖哩的風味，比較似咖哩牛腩麵果ｄ咖哩汁，應該是一雞兩味吧。一碗有牛腩牛筋，牛筋比牛腩好味，真係滑不溜口又夠膠質。牛腩則大件左ｄ，但其實用匙羮輕輕分開就得，可見一ｄ都唔韌。咖哩汁好香，少少辣剛剛好，這一碟真的很好味呢。另外再叫左一個抵食午餐Ｂ，分別有牛油多士、火腿煎雙蛋、叉燒會意粉。牛油多士是厚多士，牛油經熱力後完全溶晒，但多士太厚，牛油太少，查得唔均衡，食到最後都是白麵包，我見我對面檯都係食到最後就無食了。火腿煎雙蛋隻蛋唔知係咪ＢＢ蛋，個黃好細下，可能兩隻等於人地一隻大的，不過都好，都唔想食咁多蛋黃。蛋煎得香，果真是
估唔到一黎到要等位，等左三四個字，終於有得入去，格局同家樂差不多，都係長長的餐室，也比家樂乾淨。店子以卡位為主，也有一兩張六人檯。
點解我會叫佢「文化茶餐廳」呢？因為佢既牆上有幾張字畫囉，其中一張，留心ｄ睇仲係少林人士提添，雖然我唔知真定假，但其中一張「天下有二難」我地都覺得好有意思，當真係有文化啊～
先叫左一個咖哩牛腩飯，因為見到其他人果份好似幾靚，果然無揀錯，咖哩汁不杰，很有以前細個茶餐廳咖哩的風味，比較似咖哩牛腩麵果ｄ咖哩汁，應該是一雞兩味吧。一碗有牛腩牛筋，牛筋比牛腩好味，真係滑不溜口又夠膠質。牛腩則大件左ｄ，但其實用匙羮輕輕分開就得，可見一ｄ都唔韌。咖哩汁好香，少少辣剛剛好，這一碟真的很好味呢。
另外再叫左一個抵食午餐Ｂ，分別有牛油多士、火腿煎雙蛋、叉燒會意粉。牛油多士是厚多士，牛油經熱力後完全溶晒，但多士太厚，牛油太少，查得唔均衡，食到最後都是白麵包，我見我對面檯都係食到最後就無食了。
火腿煎雙蛋隻蛋唔知係咪ＢＢ蛋，個黃好細下，可能兩隻等於人地一隻大的，不過都好，都唔想食咁多蛋黃。蛋煎得香，果真是老字號茶餐廳。蛋黃夠細，蛋味更濃，再配火腿正！
叉燒會意粉是會茄汁，個茄汁係即整，所以都等左有點時間，但個茄汁好好味，超濃的茄味，配意粉已經夠晒好味。叉燒是正常會意粉的全瘦叉燒，不過不失啦。
餐飲要左杯熱菜蜜，佢杯菜蜜都好好味呀，不會過甜但又超濃，唔知佢用邊隻菜蜜既呢，下次再試熱檸蜜先～
食到飽飽，埋單都只係$50，真係抵食～
其實之前去試家樂已經有諗過黎試下，今次一試果然無揀錯，終對係同街另一好選擇呢！
張貼
