影片
更多
2022-05-17
16 瀏覽
文青好去處，3rd Space位於西營盤嘅橫街窄巷內，附近亦有唔少餐廳競爭對手，好似斜對面嘅冰室或對面嘅餃子 ，而呢間cafe由2014年成立至今8年時間都無被市場淘汰，實力可見一斑👍🏻 一到門口就見到大大塊木牌寫住 “德島県產米使用”，唔知係唔係越光米呢🤔24小時浸煮鮮豚肉角煮慢煮蛋穀米茶漬飯($120)：有樣好值得讚，佢哋會俾張卡仔你去跟住個步驟去食，好細心😌 鰹魚湯飲得出幾足料咁熬出嚟，撈埋落飯和隻溫泉蛋到一啖食入口，大滿足😍 個豚肉角煮即係五花腩，入口即溶！推介 👍🏻煙鮭魚慢煮蛋忌廉醬意粉($110)：沙律新鮮，沙律汁有少少橘子嘅味道，好清新，幾開胃。而個意粉口感居然煮到剛剛好😱好彈牙，Al dente! 食落仲有一陣陣羅勒葉香氣。不過加埋個煙三文魚一齊食就略鹹咗少少🤏🏻，不過都可以接受😌招牌燒海鹽忌廉麻糬班戟配北海道牛乳雪糕及水果 ($98)：我哋揀咗earlgrey伯爵茶，貪佢唔會太moist 和太濃味🤫 佢哋都會俾張卡仔你去跟住個步驟去食㗎，仲怕你食唔出佢哋落重料整個pancake，叫你第一啖試咗原味先。Well，個pancake真係好重伯爵茶味🤣最驚喜係入面啲麻糬，連埋
24小時浸煮鮮豚肉角煮慢煮蛋穀米茶漬飯($120)：有樣好值得讚，佢哋會俾張卡仔你去跟住個步驟去食，好細心😌 鰹魚湯飲得出幾足料咁熬出嚟，撈埋落飯和隻溫泉蛋到一啖食入口，大滿足😍 個豚肉角煮即係五花腩，入口即溶！推介 👍🏻
煙鮭魚慢煮蛋忌廉醬意粉($110)：沙律新鮮，沙律汁有少少橘子嘅味道，好清新，幾開胃。而個意粉口感居然煮到剛剛好😱好彈牙，Al dente! 食落仲有一陣陣羅勒葉香氣。不過加埋個煙三文魚一齊食就略鹹咗少少🤏🏻，不過都可以接受😌
招牌燒海鹽忌廉麻糬班戟配北海道牛乳雪糕及水果 ($98)：我哋揀咗earlgrey伯爵茶，貪佢唔會太moist 和太濃味🤫 佢哋都會俾張卡仔你去跟住個步驟去食㗎，仲怕你食唔出佢哋落重料整個pancake，叫你第一啖試咗原味先。Well，個pancake真係好重伯爵茶味🤣最驚喜係入面啲麻糬，連埋pancake食煙煙靭靭咁，口感豐富🥹而且不太甜，正！
飲品來得cafe更係飲咖啡喇！我哋就叫咗Iced Americano ($35) 及 Caramel Latte ($48)，如果大家會食甜品嘅，我哋就建議唔好飲Caramel Latte 喇，費事俾甜品嘅甜搶哂焦糖嘅甜味喇。兩杯飲品嘅質素都正正常常，放心無伏😌 今次…無總結喇，有機會就去試吓喇！
(去之前朋友們記得打個電話訂位，好過烈日當空下企喺門口等位。)
張貼
