山脈流川 (已結業)

今日放學去開apm行街，諗住上網睇下有咩cafe，於是就搵到呢間山脈流川，於是就同朋友一齊上黎試下。一入開已經feel到好大陣文青味，可能因為夜晚七點幾上黎既時候只有兩枱客人，不過環境清靜，幾岩同朋友黎食野傾下計。我唔太肚餓於是就叫左個甜品chocolaco有朱古力奶，朱古力同埋brownie。我唔係咁鍾意食甜野既人都覺得佢好好味，而且賣相仲幾靚！朋友就嗌左個All day breakfast，份量對於女仔黎講就岩岩好，而且種類仲幾豐富，試左朋友個牛角酥都覺得好好食！最衰要趕住去買野，如果唔係應該會坐多陣，因為呢到啲裝修都幾舒服，下次黎開觀塘會再黎。