YOLO (已結業)

同阿女去將軍澳新都城行街,經過一間文青cafe叫YOLO,餐廳裝潢簡潔,環境幽雅,座位舒適.主打泰國菜。2人晚餐大頭蝦冬蔭功湯，湯底濃郁，味道酸甜。內有大頭蝦和菇菌。泰式燒烤拼盤，有鹹蛋黃單骨雞翼、雞肉、豬肉、蕃茄、泰國酸辣肉腸、泰沙律。雞翼香脆可口，辣肉腸食落都幾辣，配返沙律菜食可以平衡一下辣味。泰式無骨海南雞半隻，海南雞肉質軟滑，雞皮爽薄，用來蘸點海南雞的黑豉油香醇可口，辣汁則酸辣惹味，重有薑味濃郁嘅薑蓉。還有酸蘿蔔伴碟，可以解膩醒胃。馬拉盞炒通菜，炒得夠鑊氣，通菜吸收了馬拉盞的味道，爽脆惹味！套餐還包括兩碗絲苗白飯，飯香氣濃郁、柔軟、可口。兩杯泰式奶茶程橘紅色，味道濃郁，其獨特的泰國茶香，搭配溫潤順口的煉乳調味，是必喝的夏日飲品。最後加咗一份甜品：芒果糯米飯配雪糕，甜品擺放精美，芒果香甜，糯米飯加咗椰漿，口感軟熟，甜甜哋有椰香味，雪糕配雪糕筒，脆口又滑溜。