籠太子點心專門店

營業中

休息中

飲茶食點心對於一D人嚟講係一件好老餅嘅事，但係我相信你食過呢間之後感覺會完全改變，坐落地方算唔錯， 裝修有啲似文清嘅coffee shop我呢一晚嘅食宵，就係選擇呢間籠太子點心專門店喇！由於都係一個人食，所以一盅兩件已經好夠，首先叫咗個海王芝士千絲卷呢個係點心紙上面有讚嘅點心，見佢張相賣相唔錯，於是點咗，但我覺得佢炸出嚟燶咗一啲，而且十分多油…… 不過咬開之後蝦膠十分爽總體都算ok呢個黑椒牛仔骨反而我覺得ok，佢啲黑椒汁整得好味，我食牛仔骨最怕係啲肉勒，咬極都咬唔開， 呢碟嘢完全冇呢個感覺，我相信係佢醃製嘅時候經過一番功夫其實飲夜茶都已經成為一種潮流， 加上佢嘅裝修同埋一班後生仔去搞，我入到去都好似後生咗幾年！值得一提嘅就係佢用咗玄米茶，呢種茶就算夜晚飲多咗都唔會有瞓唔著嘅現象