The Corner Coffee

營業中

休息中

之前經過灣仔天橋、成日見到一間幾文青既café，不過唔知道名同入口位置，所以一直無試。今次就經我fd帶路，終於去左試呢間【The Corner Cafe】。餐廳入面除左有食物之外、仲有D寄賣商品、包括本地手作品牌。日式咖喱飯配吉列蝦：甜口日式咖喱、配軟糯既珍珠米。吉列蝦非常香脆熱辣辣，而且有4隻。不過略嫌D飯唔夠熱。照燒鷄扒蛋漢堡配黑松露薯條：麵包係牛油牛奶麵包，牛油味非常香濃、一D都唔乾。照燒鷄扒好厚、非常juicy，仲有生菜同煎蛋。薯條分量超多、黑松露蛋黃醬完全唔小氣。三重椰香格仔餅配椰子雪糕：期間限定甜品、非常椰子味、格仔餅搭配椰奶又幾特別。椰子雪糕比較似semifreddo，介於mousse 同雪糕之間。花生醬燕麥奶：非常香濃花生醬味、唔會太甜。焦糖咖啡：手冲咖啡、可以自己選擇nutty或者fruity咖啡，焦糖味唔會搶過咖啡味。