梔子

營業中

休息中

行完驚安の殿堂就近搵下地方坐下，一見即被呢間文青cafe吸引，好鐘意店內乾花擺設，連店名都好文青-“梔子”。店內最低消費每人要叫一杯野飲，我點左養生茶-玫瑰組合，口感有少少酸，感覺唔錯，朋友們點左一杯可可香蕉同牛油果昔。另外點左牛油果蟹肉意大利麵，黑松露薯條同芝士蘑菇釀雞翼。估唔到上菜速度好快！牛油果蟹肉意大利麵蟹肉份量比想像中多，同麵混合一齊食有濃濃蟹味，反而牛油果味唔太出。黑松露薯條分量十足，點埋黑松露醬食好正，有濃濃黑松露香味，味道又唔太咸。