金膳健康素食

營業中

休息中

太安樓食完手抓餅吾夠飽，再去外賣一盒細嘅齋鹵味，呢D齋鋪買少見少，吾聲吾聲加左價，而家大盒$45，細盒$3O. 係貴D，但味道一流，用料新鮮，所有櫃裡的食物每日分兩輪新鮮做。我每樣也要D，咖哩素雞、豉油素雞、酸雞(酸齋)，其實都是麵筋，用了不同醬料而已，這裡的麵筋吾痴牙，食到麵筋的豆香味，而且醬料份量得宜，不會得個辣字、咸死人、或酸到牙骹打冷震。齋叉燒齋鴨腎依然林身，食得出係新鮮整，吾會硬到好似咬石頭咁。素鵝係我至愛，外表煎得甘香脆身，呈淺金黃色，即無過火無用萬年油，裡面依然嫩滑，食到豆腐豆香味。食到飽飽，食得暢快。