巴東印尼餐廳 (已結業)

食友嘅心意，有時都喺種挑戰，點解？因為認識一位食友，佢又真喺好厲害，不拘何國菜系，更不拘何種食物，古靈精怪乜都會試，試過好嘅又會送俾大家試試，今回收到喺銅鑼灣巴東印尼餐廳嘅斑蘭黑糯米蛋糕，放心，食依件糕點又唔使咩膽量嚟挑戰！斑蘭黑糯米蛋糕，顧名思義，加埋一睇就知喺一半斑蘭味（綠色）同一半黑糯米味嘅蛋糕（黑色），每件約一隻手掌大細，一隻手指厚薄，賣$7.5。打開包裝，嘩！勁香斑蘭味，不過，食落就隱約啲，而黑糯米嗰邊情況差唔多，黑糯米味就更加隱隱約約，但喺，嗒落又確喺食到兩者嘅味道；而質感方面，跟鬆軟扯唔上關喺，有啲濕，較挺實，似鬆糕嗰一類口感，都幾得意，感覺幾新奇。晌公司食完件糕當下午茶，又有啲想食印尼嘢添！