Dear Neighbor

營業中

休息中

呢間隱沒係斜路轉角嘅咖啡小店，如果唔係特登行入來真係幾難發現，除左一般常見嘅咖啡之外，仲有多款特別調製嘅口味。咖啡師點餐時會主動親自介紹各種咖啡，飲完後又會問我地意見，完全感受到佢嘅用心同對咖啡嘅執着👍！咖啡師講話呢度經已開業六年，但最近越來越少人流，唔知挨到幾耐🥲 大家過西環呢邊可以來試下！我地試左杯咖啡師特別研製調配嘅蘋果茶咖啡，偏酸調嘅咖啡加入🍎蘋果茶，咖啡香中飄逸住陣陣蘋果嘅果香，好清新！喜歡🫖培茶嘅呢度有Latte同🍫chocolate可選，培茶味chocolate嘅茶味很突出，與可可嘅味道相互融合，拉花亦都好精緻！除左咖啡好飲外，呢度嘅🍝Pasta都好食。本來我地想試特色嘅腐乳忌廉雞肉意粉，可惜去到無曬。我地就叫左🍄牛肝菌蘑菇意粉，牛肝菌醬汁味道好濃郁，口感Creamy，意粉都幾有韌勁！