快靚正燒味粉麵茶餐廳 (已結業)

晏晝喺深水埗買完野，就同埋阿爸斬料返屋企，之前都試過喺呢間茶餐廳斬料食過都唔錯，所以今次再嚟過我哋要咗燒腩，叉燒同埋一隻油雞學阿爸話齋，燒肉梗係要食燒腩先好食啦，我哋叫咗一斤，都有兩條骨架，見到師傅斬嗰陣已經好想食，所以我偷食咗一舊，外皮卜卜脆，下面嘅肉肥瘦啱啱好，果然係一分錢一分貨叉燒都好靚，要左半肥瘦差，件件都好厚肉，用黎送飯真係一流，我自己都食咗唔少媽媽就鍾意食油雞，睇佢嘅外皮油光唔少，雞肉好滑，姐姐仲好好人幫我包起左碟豉油，叫我返屋企整熱佢，淋上隻雞度食仲好味等緊斬料嗰陣，都見到佢外賣飯盒，都係$25個，呢個價錢真係算抵食