快靚正燒味粉麵茶餐廳 (已結業)

屋企做節，因為都多親戚上嚟食飯，所以老豆叫我去燒味店斬料返屋企食，所以落咗去樓下斬料。老豆指明要燒腩肉，我自己就想要叉燒，老公再加多半隻油雞。叉燒勁香，買嗰陣已經聞到好重蜜汁味，我嗌左半肥瘦叉燒，咬落口有肉汁，唔會太乾身師傅好好人幫我揀咗舊靚嘅燒腩肉，屋企人都話好食，而且燒肉上面層皮燒得卜卜脆，見到舊燒肉每層肉好分明，但又唔會好肥師傅話油雞好食啲，所以叫咗半隻，嗰層皮好滑，「絕」聲就滑入口，雞肉好滑， 用黎送飯一流，我自己就夾左雞脾食，正。三樣夾理$300有找，剩返嗰啲叉燒種類留番聽日整叉燒炒飯，真係堅抵食