棋哥燒鵝 (已結業)

近哩個星期疫情又第三波爆發，日日成百宗確診，夜晚六點後都冇晒堂食只有外賣，我都食多左住家飯。冇得同屋企人出去食飯，就放工斬料返屋企加餸過下口癮。棋哥哩個名已經聽過好耐，不過之前就冇幫趁過，雖然冇左晚市堂食，但等外賣期間都見倒好多人黎買外賣。佢地嘅叉燒同燒鵝閃令令滴晒油確係靚嘅，不過最吸引我目光嘅係裡面嘅師傅都有帶口罩，好多食店廚房都會搏食客睇唔倒偷雞唔帶口罩。買左$100叉燒，都有大半斤，炒個菜都夠四個人食。叉燒肥瘦適中，鬆軟油潤，係咁二淋少少汁已經好好食。總結，叉燒好靚，不過最抵讚係師傅都帶晒口罩，食得放心，下次經過都會再幫趁試下佢個燒腩仔。