沙嗲王 (已結業)

今日為左新世紀福音戰士去沙嗲王。叫呢個menu 主食及甜品就送一支膠叉（朗基奴斯之槍）上面係經過自行加工 （放左啲十字架印度簿餅）下面係佢岩岩送黎既樣。個色超紅，味道普通囉。白咖哩 同豬扒 基本上係沙嗲王必叫， 冇失手架啦。 沙嗲都係一個安全既選擇。唔夠飽仲可以加隻蛋。白咖哩味道幾好， 豬扒都夠淋， 夠香口， 有三塊， 份量夠飽。粉絲唔係度度都有得叫， 吸埋啲白咖喱汁好正， 粉絲煮得夠淋， 唔會頂胃。呢杯乳酪沙冰唔會太甜， 少少酸， 好開胃。