影片
更多
2024-09-07
14226 瀏覽
發現尖沙咀隱世海景餐廳超適合慶祝約會！！尖東地鐵站行2分鐘就到，係酒店有一條秘密通道，搭lift直上到39樓，維港景色盡入眼簾🤩 服務亦有米芝蓮水準，每一個細節都有照顧到~一入門口已經準備好3款welcome drinks同小食，cocktail 係橙酒，好fresh易入口～超級推薦食brunch! 份量好多，真係飽足全日，可以一邊嘆美食，一邊慢慢打卡～除左牛扒，其他都可以refill😍 前菜已經有5款，其中3款都有牛肉，而且亦標明使用邊個部位，我鐘意Insalata Caprese & Warm Beef Salad，前者水牛芝士+蕃茄係勁甜勁fresh，而溫牛肉沙律上碟真係熱食，牛肉嫩滑。食完個前菜已經飽一半，估唔到意粉好食到忍唔住要re-order! 手工意粉食落煙韌，配燉牛肚真係好好食🤩主角點少得beef short rib 同steak！脂肪比例同牛味都恰到好處～ side dishes 真係飽到食唔落😂不過甜品總有第二個胃，tiramisu 簡直係食完啖啖肉嘅消化藥，入口即溶而且唔甜膩，如果加多啲咖啡酒就perfect。另外有個$280 free flow package真
尖東地鐵站行2分鐘就到，係酒店有一條秘密通道，搭lift直上到39樓，維港景色盡入眼簾🤩 服務亦有米芝蓮水準，每一個細節都有照顧到~
一入門口已經準備好3款welcome drinks同小食，cocktail 係橙酒，好fresh易入口～
超級推薦食brunch! 份量好多，真係飽足全日，可以一邊嘆美食，一邊慢慢打卡～
除左牛扒，其他都可以refill😍 前菜已經有5款，其中3款都有牛肉，而且亦標明使用邊個部位，我鐘意Insalata Caprese & Warm Beef Salad，前者水牛芝士+蕃茄係勁甜勁fresh，而溫牛肉沙律上碟真係熱食，牛肉嫩滑。食完個前菜已經飽一半，估唔到意粉好食到忍唔住要re-order! 手工意粉食落煙韌，配燉牛肚真係好好食🤩
主角點少得beef short rib 同steak！脂肪比例同牛味都恰到好處～ side dishes 真係飽到食唔落😂不過甜品總有第二個胃，tiramisu 簡直係食完啖啖肉嘅消化藥，入口即溶而且唔甜膩，如果加多啲咖啡酒就perfect。
另外有個$280 free flow package真係超抵，有6款酒任飲，最特別當然係Spritzer Trolly，自家4款調酒可以揀，真係飲飽食醉🥂
張貼
