唐記包點 (太安樓)

營業中

休息中

每日放工都會經過唐記，今日見到佢放左個牌出黎，有新產品推出，正啊，我最愛嘅阿華田味，兩款新產品緊係要試一試啦，流心阿華田包只係$5，包好鬆軟，一定要趁熱食，係流心嫁，爆哂漿，包皮都係有阿華田，味道好濃但又唔會太甜，恰到好處。阿華田奶茶$9，茶底好濃，甘香，甜到適中，阿華田同奶茶十分配合。我仲叫左鵪春蛋燒賣，以前去茶樓飲茶一定要叫，但而家好多地方都無，好懷念，燒賣好彈牙，有豬肉和蝦口感好豐富無得頂。鮮竹卷$18腐皮吸收哂汁，好juicy，餡料十分多，有豬肉蘿蔔絲冬菇絲，好有咬口。