大家樂

營業中

休息中

今日又可以黎呢度食早餐，本來想食魚柳炒蛋加茄通。但見到有新早餐出，就試下啦。個餐有炒蛋、鮮油餐包及麥皮加埋杯餐飲。炒蛋繼續保持水準，依然炒得咁滑。最正就係陣陣既牛油香，相當美味。鮮油餐包即係個餐包加埋牛油，個包唔算太硬又唔算太淋。我覺得塊牛油好重要，因為無左塊牛油，就只係個好平凡既餐包。呢個感覺就好似食餐菠蘿油，雖然上面係無菠蘿。麥皮呢麥皮係加鮮奶，所以我可以加糖食。我覺覺得咁食會仲好食，因為加煉奶會好甜，但加糖就好。凍奶茶都幾好飲，好小失手既飲品。呢個餐雖然份量細，但都幾飽肚架。