麥當勞

營業中

休息中

見又出新野，又走去買黎試下。另外再買多兩份好耐冇食既脆香雞翼。一個蕃茄吉列豬扒餐加兩份雞翼，盛惠$59。見有蕃茄，硬係覺得唔會差得去邊呱。點知，包、芝士、蛋同吉列豬扒都冇乜問題，最大問題就係個蕃茄汁，咸唔咸，甜唔甜咁，好怪，就算有其他配菜好似粟米呢d喺個汁入面，都仍然搞到成個包都好難食。所以都係脆香雞翼好，穩穩陣陣。起碼同個名一樣真係脆香先。味道咁多年都冇變，雞肉都係咁嫩滑，而且細細件，又容易食。