影片
更多
2022-05-20
2859 瀏覽
❀ CaN LaH #中環 ❀❗️新加坡名廚主理 多種精緻新加坡美食❗️——————————————————發現香港嘅星馬菜餐廳越來越多，今次呢間位於IFC，走中高尚路線✨由新加坡冠軍級名廚張偉忠主理，佢曾經喺新加坡、台灣等地奪得烹飪冠軍，亦喺五星級酒店中菜廳執行主廚，擅長烹調海鮮料理。餐廳售賣各種精巧新加坡菜式，當中亦唔少亦加入海鮮元素。另外餐廳裝修優雅高尚，仲有室外嘅位置可以望到維港景色😍。.✷𝑀𝑒𝓃𝓊✷☞ 怡保火焰脆皮燒雞 $248/ 半隻 $488/全隻 (3.8/5)記住要先預備相機！因為店員會喺面前淋火燒雞🔥燒完之後就會留返入廚房切件。外皮夠晒香脆，不過肉質就不過不失，未係最滑。雞肉味道本身偏淡，要配埋佢嘅特製甜酸醬。.☞ 娘惹黑炭小金杯 $88/ 4pc (4/5)呢個玩味頭盤有幾有驚喜！小金杯原來係馬六甲有名的小食，餐廳用上黑竹炭製作出香脆嘅小金杯，內裏可以按照個人喜好加入蝦肉、蘿蔔絲、辣椒醬、蛋絲、脆脆。幾開胃清新！.☞ 馬來槮巴汁燒多寶魚 $238 (4/5)多寶魚喺香港比較少見，肉質幾嫩滑，啲骨亦大大嚿，食落方便。加上特製嘅馬來槮巴汁，酸酸辣辣夠晒香口，用嚟送飯就一流
❗️新加坡名廚主理 多種精緻新加坡美食❗️
——————————————————
發現香港嘅星馬菜餐廳越來越多，今次呢間位於IFC，走中高尚路線✨由新加坡冠軍級名廚張偉忠主理，佢曾經喺新加坡、台灣等地奪得烹飪冠軍，亦喺五星級酒店中菜廳執行主廚，擅長烹調海鮮料理。餐廳售賣各種精巧新加坡菜式，當中亦唔少亦加入海鮮元素。另外餐廳裝修優雅高尚，仲有室外嘅位置可以望到維港景色😍。
.
✷𝑀𝑒𝓃𝓊✷
☞ 怡保火焰脆皮燒雞 $248/ 半隻 $488/全隻 (3.8/5)
記住要先預備相機！因為店員會喺面前淋火燒雞🔥燒完之後就會留返入廚房切件。
外皮夠晒香脆，不過肉質就不過不失，未係最滑。
雞肉味道本身偏淡，要配埋佢嘅特製甜酸醬。
怡保火焰脆皮燒雞 半隻
$248
94 瀏覽
0 讚好
0 留言
怡保火焰脆皮燒雞 半隻
$248
127 瀏覽
0 讚好
0 留言
.
☞ 娘惹黑炭小金杯 $88/ 4pc (4/5)
呢個玩味頭盤有幾有驚喜！
小金杯原來係馬六甲有名的小食，餐廳用上黑竹炭製作出香脆嘅小金杯，內裏可以按照個人喜好加入蝦肉、蘿蔔絲、辣椒醬、蛋絲、脆脆。
幾開胃清新！
娘惹黑炭小金杯
$88
58 瀏覽
1 讚好
0 留言
.
☞ 馬來槮巴汁燒多寶魚 $238 (4/5)
多寶魚喺香港比較少見，肉質幾嫩滑，啲骨亦大大嚿，食落方便。
加上特製嘅馬來槮巴汁，酸酸辣辣夠晒香口，用嚟送飯就一流！
馬來槮巴汁燒多寶魚
$238
69 瀏覽
0 讚好
0 留言
.
☞ 原個雪燕香芒椰子盅 $88 (4/5)
自創兼獲獎嘅甜品！
當中層次豐富，先有椰子雪糕，表面加上少許燕窩。
跟住係香滑嘅椰子奶凍配上楊枝甘露，夠晒清甜。
原個雪燕香芒椰子盅
$88
179 瀏覽
0 讚好
0 留言
.
☞ 摩摩喳喳 $58 (3.6/5)
當日chef’s special，反而就冇乜特別。
紫色但冇乜紫薯味，同普通西米露差唔多。
另外再加左啲番薯芋頭。
摩摩喳喳
$58
108 瀏覽
0 讚好
0 留言
——————————————————
✨整體味道: 3.9/5
✨環境裝修: 4.2/5
✨服務態度: 3.8/5
✨性價比: 3/5
✨再訪興趣: 3/5
.
💞整體來講
香港好少見到一間環境咁靚嘅新加坡餐廳，而且菜式都有心思又精美，味道亦唔錯。不過整體價錢就偏貴，份量亦都比較細，但始終喺IFC所以都要有取捨，喺其他地方可以食到差唔多水準但係平啲。
張貼
