爺爺雞飯 (金百利中心) (已結業)

今日去開銅鑼灣，去搵下新嘢食，見到openrice排好前位置既爺爺雞飯，價錢又幾相宜，咁就去試下啦。我地點左：馬來肉骨茶椰香咖哩雞配印度薄餅咖央多士馬來肉骨茶都幾足料，配飯，有整個洋蔥，排骨，金菇，冬菇，魚腐，油炸鬼。味道正常。椰香咖哩雞配印度薄餅，冇乜椰香味，但咖哩濃郁醒胃，有雞肉同埋蕃薯，同平時人地用薯仔唔同。但我本身唔食蕃薯，所以就無食到。印度薄餅鬆脆好味。咖央多士有焊底，有咖央醬同埋厚厚既牛油。味道可以。