水門雞飯 (汀角路) (已結業)

之前去新加坡食天天海南雞好正，一直念念不忘，好想再食，依家終於比我搵到間同佢差唔多，甚至我覺得更好味嘅海南雞飯。叫咗個水門雞飯、炸水門雞飯、泰式奶茶 同芒果糯米飯。我鍾意食水門雞飯多啲，因為佢啲雞好滑好嫰，另一碟係炸雞，脆口啲，如果鍾意脆卜卜嘅嘢就可以試吓，各有特色嘅，都幾特別呀。叫咗個泰式奶茶，同平時啲港式奶茶好唔同有啲香料味唔係人人接受到。甜品就叫咗個芒果糯米飯、雖然食完正餐好飽但係甜品又有另一個胃，個芒果好甜有花香味，配上煙煙靱靱嘅糯米飯同上面既脆脆，有幸福嘅感覺。