天天海南雞飯 (Fashion Walk)

營業中

休息中

朋友生日，同佢去新加坡米芝連餐廳食晚飯，咁就唔失禮啦。餐廳環境簡約優雅，紅磚牆，木地板，枱夠寬闊，坐得舒服。餐牌都幾多選擇，呢度招牌菜係雞，咁當然要點個天天海南雞拼燒雞，跟住炒個蔬菜，然後再叫個老鼠粉。天天海南雞拼燒雞：兩款雞各半隻，海南雞入口夠白滑，而燒雞同樣都係滑，外皮燒得夠香脆，旁邊有薑蓉、辣汁同淮鹽可以點，就算簡簡單單點淮鹽食都已經好好食，招牌菜無得輸。三巴醬肉碎四季豆：用鍋仔上，好精緻。下面有火燒住，一路食一路keep住熱。肉碎同四季豆帶微辣，夠味，好香。三巴醬係東南亞特製辣椒醬料，用佢炒嘢就一流。街坊砂鍋老鼠粉：砂鍋同樣有火點住，唔怕食到最後凍晒。裡面有花生、肉碎、菜脯、乾蔥、辣椒同溫泉蛋，老鼠粉係銀針粉，配料全部都係香口嘢，整體味道唔太鹹，撈埋一齊又幾好食喎。