Baker Talent

營業中

休息中

晨運完順便行去大橋街市買點水果見到大橋街市對面有間麵包舖 🥖🍩新加坡麵包達人 🍞🥐見到都唔少街坊幫襯所以試吓呢度D麵包好多款式都幾特別，我有好多都想試所以買咗幾款返去同老公一齊食🤭🔶特濃芝士撻🔶呢度好出名嘅芝士撻，價錢仲要好抵食🤭撻皮係曲奇皮好香脆，芝士味香濃👍🏻，性價比高。🔶招牌108 層葡撻🔶淨係望到個酥皮已經好吸引，個皮真係做到好多層好薄，咬落去好鬆脆，中間蛋漿也好滑，甜度啱啱好。🔶蔓越莓乳酪包🔶個麵包好軟熟，有好多蔓越莓，中間餡料有D乳酪，食落少少酸甜，成個咬落去夾埋D味道好夾👍🏻🔶斑斕咖椰菠蘿包🔶菠蘿包外層做到脆卜卜，帶有斑斕味道淺綠色嘅包咬落去好香，中間仲有好多咖椰漿做餡，呢個包超好食，我超鍾意❤️下次一定要encore 。🔶咖啡菠蘿包🔶我一夾個包已經聞到好香咖啡味，菠蘿包外層一樣做到脆卜卜，一路食一路聞到咖啡香。🔶爆漿奶皇包🔶為咗想試吓佢爆漿嘅感覺，我返到屋企用焗爐翻熱食，真係超好味，奶皇餡料好多好香滑，個包面仲有少少脆，麵包食落軟熟。其實我見佢哋仲有個榴槤菠蘿包，不過我去時剛剛賣晒，可能太受歡迎，唯有下次再試😆呢度除咗麵包，仲有佢哋自家製出品嘅樽裝咖啡、奶茶。