甜姨姨 (耀華街)

營業中

休息中

見甜姨姨新推出咗開心果味刨冰🍧, 身為一個開心果控當然要嚟試吓！🍧「你今日開心果味」頂層有A級伊朗開心果仁、開心果酥皮卷, 外層淋滿開心果醬同開心果汁。開心果酥皮卷裏面有開心果忌廉同開心果粒, 刨冰綿密細滑, 每一啖都食到香濃嘅開心果味, 食到中間有開心果酥、消化餅碎, 令成個口感層次提升咗！另外會附上一球自家製開心果雪糕、開心果汁, 食到一半可以淋啲開心果汁落去, 令底部嘅冰都可以keep住有開心果味💚 🍮黑芝麻心太軟推介👍🏻 製作時間為20分鐘⏰, 切開後黑芝麻漿緩緩流出, 外脆內軟, 黑芝麻味超濃郁, 香濃幼滑又唔會太甜膩, 旁邊配上【海邊走走】黑芝麻愛餡蛋捲, 再加一球黑芝麻雪糕🍨, 好好食😋！