影片
更多
2020-02-25
241 瀏覽
2020年2月11日 星期二今晚食完晚飯之後，見時間尚早，就喺海港城附近再行下街，幫助消化行到去呢間蛋糕店，又突然好想食甜品，於是趁佢就黎收舖之前就即刻買幾個蛋糕，順便拎返屋企同屋企人一齊分享返到去已經急不及待想食呢個新口味，叫北海道秋色，食落去有好濃烈嘅紫薯味，原來紫色嘅部份就係紫薯蓉，唔係太甜，同上面嘅野莓一齊食味道更加豐富之後左手面有野莓藍蝶花巴伐利亞，啫喱好滑，一吞就直接到喉嚨，酸酸甜甜幾易入口，而且d花仲可以食埋添右手邊既係意式香草奶凍，奶凍同下面既戚風蛋糕一齊食又幾配合，幾香牛奶味而又入口微甜至於女朋友就拎左英國伯爵茶返屋企，話好香伯爵茶味，正好可以消滯，而上面仲有一舊馬卡龍同焦糖脆餅，帶出甜味，令到成個蛋糕既味道平衡返，唔會剩係得茶嘅苦澀味最後仲有西瓜玫瑰巴伐利亞，食落去有玫瑰既香味，仲有淡淡西瓜既甜，不過唔係好濃烈，岩岩好作為甜品既推介之選
今晚食完晚飯之後，見時間尚早，就喺海港城附近再行下街，幫助消化
行到去呢間蛋糕店，又突然好想食甜品，於是趁佢就黎收舖之前就即刻買幾個蛋糕，順便拎返屋企同屋企人一齊分享
返到去已經急不及待想食呢個新口味，叫北海道秋色，食落去有好濃烈嘅紫薯味，原來紫色嘅部份就係紫薯蓉，唔係太甜，同上面嘅野莓一齊食味道更加豐富
之後左手面有野莓藍蝶花巴伐利亞，啫喱好滑，一吞就直接到喉嚨，酸酸甜甜幾易入口，而且d花仲可以食埋添
右手邊既係意式香草奶凍，奶凍同下面既戚風蛋糕一齊食又幾配合，幾香牛奶味而又入口微甜
至於女朋友就拎左英國伯爵茶返屋企，話好香伯爵茶味，正好可以消滯，而上面仲有一舊馬卡龍同焦糖脆餅，帶出甜味，令到成個蛋糕既味道平衡返，唔會剩係得茶嘅苦澀味
最後仲有西瓜玫瑰巴伐利亞，食落去有玫瑰既香味，仲有淡淡西瓜既甜，不過唔係好濃烈，岩岩好作為甜品既推介之選
張貼
