金蘭花泰國菜 (已結業)

今日一班同事出去食飯，揀咗泰國菜。我都有一排無食泰國菜啦。呢間係樓上嘅泰國菜。點咗都好多款菜，但特別鐘意酸辣海鮮清湯，酸辣味好解暑，配搭返海鮮嘅鮮味，幾好飲。仲有兩款小食我都覺得幾好食。特色香葉豆腐：外脆內軟的豆腐，配上惹味帶點香辣嘅醬汁，好惹味。臭草煎蛋：臭草嘅香味幾特別，煎成一塊塊玉子咁，口感幾好。總括而言，睇落普通，但食落有驚喜嘅餐廳。大家都覺得可以再嚟食。泰國菜其實本身都有好多變化和組合，但好多泰國餐廳食嚟食去都係果幾味，好厭。偶爾食到新口味都幾滿足！