甜姨姨 (耀華街)

營業中

休息中

今日同朋友喺銅鑼灣食完飯之後想食甜野, 就去左甜姨姨食冰, 見到新出左既楊枝甘露冰, 每日限量發售, 就叫左嚟試下🤣一上枱就見到枝鮮芒果雪條插左喺啲冰上面, 雪條係芒果肉雪成冰, 好香甜, 之後就可以開始食最面頭既泰國金柚同忌廉, 忌廉好香奶香味, 加埋落冰到口感更加滑身😋食到咁上下就見到芒果粒, 同埋芒果脆脆中間嗰層冰撈左d 椰汁, 啖啖椰香, 唔夠楊枝甘露汁仲可以加🤣再食落少少就有啲熱情果果凍, 熱情果酸酸地果凍比較結實, 撈埋口感更加豐富👍整體而言, 呢款冰芒果味好香, 同埋好鍾意佢每層都有唔同既驚喜