維港灣餃子坊 (已結業)

係元朗好食既餃子麵店係廖廖可數，近期發現咗一家新餃子舖係元朗兩個地點開咗舖，於是走入去試試。上次我試咗鹹旦黃芥菜鮮肉餃湯麵🍲(上海麵)。口味新鮮感高，一咬就feel到鹹旦黃香，芥菜既靚托係好突出到鹹香。上次感覺唔錯，而且見到其他口味既餃子都想食，所以今次同朋友再到另一間舖試試。今次叫咗主食超牌三拼餃湯🥟🥟🥟刀削麵(大白菜、韮菜、香芹)、黑松露拼韮菜煎餃，再加咗小食農家豬手😋我最鐘意香芹餃既味道，因為佢係平平既豬肉味加添咗獨特既香味，份外清新㗎! 另外個黑松露煎餃亦很不錯，咬開有淡淡既松露香，唔會太濃。配以脆脆的外皮，口感好正，仲唔油膩添! 另外都想讚吓做豬手同是日中湯。豬手唔肥、皮滑、南乳味恰到好處，食完絕唔洗罐水。中湯係勁有家既感覺，真材實料。記得上次係粉葛湯，今次係黃瓜三豆湯。唔洗自已煲咁煩啦！😉🤣