老爹 (已結業)

呢個地段呢個價錢其實對得住，只係都要寫一下杯珍珠奶茶，一杯超級健康嘅廢水，啲珍珠唔知係煮過龍，定係未煮透，硬到。咬唔開，好似膠珠甘，而且珍珠係完全冇味。不過係餐飲送嘅就唔好同佢計較。其實整體食物質素ok. 尤其是卡邦尼意粉幾好食。對於要控制食量既我啱啱好。如果係男生食量比較大嘅就可能要考慮吓 ，睇吓個飯要唔要加底。隔籬枱個男生嗌咗黑毛豬腩肉叉燒煎蛋飯(黯然銷魂飯)。賣相望落去係幾靚，好Juicy甘。唔好意思問佢借黎影。所以無相。等下次有同事提議再去食嘅時候就試吓。另外，我唔係覺得大叔冇禮貌，只係講嘢大聲咗少少俾佢嚇親。少少驚佢，但係佢人幾好。俾我會再嚟食，只係可能隔多排先嚟食，可能個半月至兩個月一次。