壽司郎 (新都城中心三期)

營業中

休息中

週末午餐黎新都城食壽司郎，適逢有期間限定嘅「赤醋飯」。我哋仲試咗佢哋嘅新版玉子燒。「赤醋飯」：評分 2/5呢個期間全部嘅壽司都用「赤醋飯」黎配搭，比起普通嘅醋飯，更酸&鹹，掩蓋咗墨魚、蝦等食材嘅鮮味，又同火炙等濃味壽司產生衝突。唔知係分店嘅問題定係配方嘅問題，個人唔鍾意太重醋味既壽司飯，有種喧賓奪主既感覺。「壽司郎新版玉子燒」：評分 1/5睇到社交平台同餐牌上都大肆宣傳「六層鬆軟口感」，但試食落嚟完全唔同，好似放喺雪櫃好耐嘅蛋糕咁濕濕地凍凍地，又冇高湯味。總結：呢次嘅壽司郎午餐體驗唔係好理想，期間限定嘅「赤醋飯」同新版玉子燒都令我失望。希望呢樣嘢只係個別分店嘅問題，同埋快啲變返正常既醋飯。