uen cafeteria (已結業)

最近聖誕節留意下有咩新既好去處🫢發現啓德有一座新開既商廈叫airside ，未正式開幕前就已經搞聖誕市集，入面好似去咗小型夜市咁🎄有野食有野飲，其中一間就係呢間係太古大熱既樓上Cafe Uen啦☕️原來佢地推出咗新既麻糬包包🍞暫時淨係得呢度同埋網店可以買到，係市集仲可以即買即食最新鮮😍口味共有3隻，焙茶、忌廉芝士同抹茶，我揀咗隻微甜既焙茶口味（$55）😆麻糬包包上面仲加咗粒當造大粒士多啤梨🍓插上有隻鹿造既竹籤，打卡方面都幾靚，麻糬包質地都幾實在煙韌😋入面既焙茶忌廉都係爆餡咁湧出黎，一邊𡁻一邊有茶香微甜，定價偏高，試一次就夠🤑