22 Branch Oyster Bar & Restaurant (已結業)

Donki 對面有個新商場，環境都幾好，有好多狗仔設施，又有大量line公仔，啱晒小朋友玩。 當中 "22 Branch Oyster Bar & Restaurant" 環境好舒服（適合情侶打卡），食物及環境都好好，兒童餐又啱小朋友食，值得一試。 食物有驚喜，賣相好吸引， 味道相當好，配合埋環境值得比個讚。 叫左個兒童餐，有mini burger , 意大利飯, 沙律,果汁 （$78），小朋友食得好開心。 另外lunch menu都好多野揀，叫左個 "豬柳絲Egg Benedict" ($108) "、"香煎北海道帶子牛肝菌意大利飯"（$128）。味道好好，食材新鮮，好吸引胃口。 商場比較新，唔係全部商鋪開晒，不過都好，人少少影相一流，餐廳暫時都唔洗等位（相信之後排晒隊），一定要搵日試試晚餐。店長介紹左燒春雞，話處理手法好特別，小朋友有得玩有得食，打卡首選。聽落幾吸引，搵日試試。 同場見到其他客食生蠔，生蠔好大隻好靚，下次要試試。