影片
更多
2019-05-25
55 瀏覽
最近麥當勞買廣告賣得好行，就係嗰個奶蓋飲品，仲要出埋兩粒巨星，宣傳落足本，味道如何呢？大家都知麥當勞app有一個試飲優惠券，我就去咗換一杯四季春奶蓋嚟飲。做緊優惠真係特別多人排隊，足足排咗10幾分鐘先至到我落單，我問店員有冇少甜小冰，佢話有得小冰。收到杯嘢飲，呢一杯原價$25嘅奶蓋四季春茶比出邊街一般賣奶蓋茶鋪頭嘅size細，奶蓋同茶層次分明，明顯一層白色奶蓋一層淡黃色茶。奶蓋上面店員仲落左少少茶葉碎作為裝飾。味道：首先第一口就係奶蓋，鹹，油，小小奶味，小小芝士味，濃稠程度為杰。到下面四季春茶，有茶香味，不過冇茶嘅苦味或者甘味。成杯野嘅評價：極低分，奶蓋杰撻撻冇奶味得個咸字，茶冇茶味，最奇怪係嗰啲沈左響面嘅茶葉碎，望落去係靚但係食落去係苦到最近新出嘅蝦堡，我買咗就咁滋味蝦堡嚟食，冇菠蘿冇double嗰隻。蝦堡嘅材料有兩塊麵包皮， 五塊梅揼揼嘅菜葉，一pat唔知咩醬，同埋一塊蝦餅。蝦堡最重要嘅當然係塊蝦餅，咬開蝦餅入邊係見到有蝦，但係每一隻蝦都好細隻，又唔彈牙，嗰幾塊梅嘅菜仲爽口過塊蝦餅，，蝦冇蝦味，基本上就咁齋食買蝦餅係食唔出有啲咩味，成個包就係靠嗰pat唔知咩醬嘅味。如果玩矇眼測試，
大家都知麥當勞app有一個試飲優惠券，我就去咗換一杯四季春奶蓋嚟飲。做緊優惠真係特別多人排隊，足足排咗10幾分鐘先至到我落單，我問店員有冇少甜小冰，佢話有得小冰。
收到杯嘢飲，呢一杯原價$25嘅奶蓋四季春茶比出邊街一般賣奶蓋茶鋪頭嘅size細，奶蓋同茶層次分明，明顯一層白色奶蓋一層淡黃色茶。奶蓋上面店員仲落左少少茶葉碎作為裝飾。
味道：首先第一口就係奶蓋，鹹，油，小小奶味，小小芝士味，濃稠程度為杰。
到下面四季春茶，有茶香味，不過冇茶嘅苦味或者甘味。
成杯野嘅評價：極低分，奶蓋杰撻撻冇奶味得個咸字，茶冇茶味，最奇怪係嗰啲沈左響面嘅茶葉碎，望落去係靚但係食落去係苦
到最近新出嘅蝦堡，我買咗就咁滋味蝦堡嚟食，冇菠蘿冇double嗰隻。
蝦堡嘅材料有兩塊麵包皮， 五塊梅揼揼嘅菜葉，一pat唔知咩醬，同埋一塊蝦餅。蝦堡最重要嘅當然係塊蝦餅，咬開蝦餅入邊係見到有蝦，但係每一隻蝦都好細隻，又唔彈牙，嗰幾塊梅嘅菜仲爽口過塊蝦餅，，蝦冇蝦味，基本上就咁齋食買蝦餅係食唔出有啲咩味，成個包就係靠嗰pat唔知咩醬嘅味。如果玩矇眼測試，根本唔知食緊啲乜。
個包就咁買要收$25 ，跟餐嘅要$35。唔平仲咁既質素真係你食埋我嗰份。
差，差到連相都冇影！
張貼