莆田 (荃灣廣場)

營業中

休息中

今晚又係試新店既一晚，行過去睇menu,店員話呢間係食福建菜的，平時冇乜食福建菜，就決定入去試一試佢。入去就有前菜，係脆脆的紫菜定海苔🤔，冇乜味。由於六點鐘，又有啲早，所以唔係好肚餓。見莆田扁肉湯啲皮係用肉做，好似幾特別，所以就叫左來試，酸酸地，感覺幾特別，有好多粒👍🏻。黃花魚燜飯，啲魚冇骨👍🏻，幾好，啲飯冇乜味，可能有索到啲魚味，但我唔係品嚐到，幾清啖。椒鹽豬手，上台時岩岩炸好，好熱，睇個樣感覺好野味。咬落啲皮好脆，一啲都唔油。入面好淋，好味。唯一不足既係唔夠入味，感覺椒鹽只係留於表面。