馬場洞烤肉專門店 (新城市廣場三期) (已結業)

新城市兩間燒肉店，一間韓式，一間日式，今次先講講韓式呢一間。餐廳環境裝修唔錯，一入門兩個熟成凍櫃，全餐廳以木色為主，餐碟碗筷、燒爐用金色，整體感覺唔錯。餐牌除咗for燒肉嘅牛肉、豬肉，仲有其他韓式熟食，連醬油蟹都有，酒就得真露、啤酒同一款house wine，冇其他選擇。其實淨睇餐牌，牛肉嘅部位、款式的確幾多選擇，幾吸引。當晚點左個二人set，加個醬油蟹，加支house wine。你睇得出牛肉質素其實幾好，但成間餐廳職員完全冇諗過幫你燒一陣，其實唔需要全程幫你燒㗎，間唔中幫吓手一陣都好呀。由得個客自己燒，再好嘅肉都只會成為浪費。我認我係渣，所以韓燒多數去’名家’。如果餐廳你係諗住走冇Service嘅韓燒，其實我建議不如你做放題，可能賺得仲多。埋單走嘅時候，八卦睇吓其他枱，老實講，眼見每枱個爐都係黑麻麻。冇比較冇傷害，下次再講下新城市另一間燒肉店。