影片
更多
2023-07-24
3096 瀏覽
上星期六放工太夜，本身諗住去赤柱食飯，因為太夜所以都係留喺沙田，又想食啲類似嘅外國嘢，行吓行吓就見到呢一間，記得灣仔有分店，不過一直都未食，夜晚八點幾，等咗一陣位就有得入啦。餐廳有一大部份侍應都係外國人，好Nice， SeT dinner都逐樣介紹吓，又可以加錢叫生蠔同埋酒，不過揸咗車，所以最後叫咗花茶，不過都嗌咗幾隻生蠔過吓口癮。Tomato basil soup，飲得出仲有好豐富嘅蕃茄肉， basil咪又好出，上面淋咗橄欖油香口好多。Pork belly bites，豬腩肉嘅皮烤得好脆，就咁食有啲乾，但加左青檸汁就啱啱好。4件生蠔，平時都會配Tabasco，餐廳溝咗一杯仔黑醋汁，驚喜地好食，檸檬任用一啲都唔孤寒。花茶有三款，我叫咗anti stress，因為返工真係太攰了。花茶都用茶壺上，起碼飲到三四杯，好抵，仲有Lotus餅乾，好似歐洲Cafe咁。佢主菜叫左法式油封鴨腿，要加$20，鴨腿嘅size同外國差唔多，都係唔算大隻，不過肉質好柔嫩。佢配咗一個砵酒醬汁，下面嘅薯仔意粉同埋椰菜都即刻變得好惹味。我就揀咗軟殼蟹risotto ，唔使加錢，飯底好creamy，唔會太硬，不過檸檬汁
上星期六放工太夜，本身諗住去赤柱食飯，因為太夜所以都係留喺沙田，又想食啲類似嘅外國嘢，行吓行吓就見到呢一間，記得灣仔有分店，不過一直都未食，夜晚八點幾，等咗一陣位就有得入啦。
餐廳有一大部份侍應都係外國人，好Nice， SeT dinner都逐樣介紹吓，又可以加錢叫生蠔同埋酒，不過揸咗車，所以最後叫咗花茶，不過都嗌咗幾隻生蠔過吓口癮。
Tomato basil soup，飲得出仲有好豐富嘅蕃茄肉， basil咪又好出，上面淋咗橄欖油香口好多。
Pork belly bites，豬腩肉嘅皮烤得好脆，就咁食有啲乾，但加左青檸汁就啱啱好。
4件生蠔，平時都會配Tabasco，餐廳溝咗一杯仔黑醋汁，驚喜地好食，檸檬任用一啲都唔孤寒。
花茶有三款，我叫咗anti stress，因為返工真係太攰了。花茶都用茶壺上，起碼飲到三四杯，好抵，仲有Lotus餅乾，好似歐洲Cafe咁。
佢主菜叫左法式油封鴨腿，要加$20，鴨腿嘅size同外國差唔多，都係唔算大隻，不過肉質好柔嫩。佢配咗一個砵酒醬汁，下面嘅薯仔意粉同埋椰菜都即刻變得好惹味。
我就揀咗軟殼蟹risotto ，唔使加錢，飯底好creamy，唔會太硬，不過檸檬汁唧上去軟殼蟹嘅時候，好容易滴到落飯，飯整酸咗冇咁好食，要小心啲。
老公全晚最愛呢件檸檬撻，佢比出邊一般嘅冇咁酸，上面嘅cream亦都好清新，一啲都唔Heavy。
埋單連加一每人300幾，都算幾抵食，食到飽住走，係兩人枱張枱細少少，餐碟有啲迫。
張貼
