幸匠燒 (新城市廣場一期) (已結業)

夜晚收工同朋友喺沙田新城市行完街，同朋友就搵到一間佈置特別嘅日式居酒屋，喺6樓嘅幸匠燒，門口有一個日本鳥居好容易認。第一次嚟就簡簡單單，叫一啲串燒拼盤唔使諗，非常方便。一個以雞肉為主嘅串燒，鳥之盛$328，雞翼雞軟骨免治雞肉串燒雞腿肉，樣樣有。燒雞翼淨係睇雞皮燒得好脆，都覺得好好食。免治雞肉串啖啖肉，味道適中，唔會太油膩。朋友就鍾意食燒海蝦，所以就叫咗一個海之盛，又有燒日本蠔海蝦帆立貝非常豐富。餐廳除咗串燒之外，其實仲有好多壽司刺身，下次嚟到一定要再試吓。