瀧赤料理 (已結業)

瀧赤料理位於新墟，由於每個月都會喺附近剪一次頭髮，所以我地已經黎過呢間日本料理，唔錯嘅，所以都有回頭。餐廳位置就唔多，全店16個，空間唔大，小店一間，以淺木色裝潢為主，簡約舒適。入座時六點未夠，所以成為第一枱，及後都有唔少客人始終區內小店日本料理唔多，某啲開左好耐，但質責一般。餐牌供應壽司、刺身、卷物、丼、小菜、燒物、串燒、炸物、飯、烏冬，價格相宜，所以吸引唔少一家大細嘅客人，叫到一枱都係，唔洗肉赤。三文魚壽司 $14/件原條鰻魚壽司 $20/件帶子壽司 $14/件京蔥吞拿魚蓉壽司 $14/件火炙塩燒左山魚邊壽司 $14/件點左兩款「長長」壽司，分別約7吋長，包括：三文魚壽司、原條鰻魚壽司，前者都幾肥美，後者更加係另一半推薦，鰻魚燒到幾香口，最重要係軟腍無細骨，好過連鎖壽司店出品左口魚邊燒過，魚油豐富。帶子壽司亦都幾新鮮，大大粒呢度嘅壽司飯有少許醋味，唔會太強烈，飯粒捏得扎實唔鬆散，略嫌大舊左啲。(都好嘅，飽肚啲囉)京蔥吞拿魚蓉壽司普普通通，魚蓉相對飯量，比例少左啲，入口冇乜味。北寄貝壽司 $12/件赤海蝦壽司 $12/件蟹籽壽司 $8件呢三款都係推介嘅，北寄貝壽司原隻，口感好滿足，而