Momoz (赫德道) (已結業)

朋友喺尖沙咀番工，所以搵下附近有咩食，見到呢間新開好似幾特別就去試下😂。去到比較早都無咩人，有好多款餃子同rolls所以揀左好耐，最尾餃子同roll各揀左一款試。①Katsu Chicken Curry Fried Momo ($88) 本身覺得餃子應該係蒸或者煎，但佢個樣好似小籠包咁但係係炸咖哩雞味，真係好難想像實物係點，所以抱住中伏既心態叫左黎試😝，點知無伏😂 😂。餃子炸得好脆，入面係包住咖哩雞🤣，好新奇。中東既咖哩香料重啲幾好食，雖然個名係日式，但係fushion菜融入左尼泊爾特色，係好特別既餃子。②Dynamite Prawn Roll ($118)呢個蝦卷好足料，有菜、蘿蔔絲，當然唔少得仲有好多隻大蝦。啲蝦好彈牙，撈埋佢啲甜甜地既醬汁又幾夾。💬原本諗住之後食甜品，但每人半個roll同埋4隻餃子都食到好飽…雖然價錢係貴左少少，不過都好特別好有特色，值得一試👍🏻。